Chourizo Curado Extra - Embutidos Núñez

O chourizo galego elabórase a base de magro de porco, touciño, pemento doce e picante, allo e sal. O seu proceso de curado pasa por un afumado e un secado para posteriormente conservarse en graxa ou aceite. Preséntase en restras, ao estilo da longaínza, e pode consumirse cru, cocido, fritido e asado. É un acompañamento esencial en múltiples pratos, coma o lacón con grelos.

Caracterízase polo picado groso da carne e a boa distribución da graxa, de cor vermella escura. O olor é forte, afumado, intenso e suxestivo. A textura é axustada e uniforme, consecuencia dunha boa relación magro/graxa.

Nas casas onde se fai matanza úsanse as tripas do porco, ben limpas, para facer os chourizos. Nas fábricas de chourizos usan tripa artificial de coláxeno, que substituíe á natural despois do ano 1953, no que se instalou a primeira fábrica destas tripas en España.