Queixo Gruyere Suizo

A codia ten consistencia dura, un aspecto graxo e cor amarelenta dourada ou parda. A pasta pódese cortar doadamente e presenta unha cor marfil a amarelo claro. É un queixo no que poden aparecer ollos redondos en número variable distribuidos regularmente e un diámetro de medio a un centímetro. Normalmente non presenta buracos.

O seu sabor e aroma é máis ou menos picante. O queixo está listo para o consumo cando ten un mínimo de oitenta días de maduración a partir da súa fabricación. Normalmente o queixo gruyer deberá conservalas súas características a unha temperatura de 15 ºC durante un mes polo menos, a partir do momento en que está listo para o consumo.