Cacahuete Mondado Crú con Pel

Está demostrado que a fina pel de cor marrón que rodea o froito dos cacahuetes posúe grande cantidade de compostos interesantes para nosoutros:

Entre os compoñentes que desbotamos na pel dos cacahuetes atópanse compostos fenólicos ou flavonoides e, entre eles destacan os taninos, importantes axentes antioxidantes, é dicir, neutralizan os radicais libres do osíxeno que están relacionados cos procesos de envellecemento celular e, polo tanto, ca aparición de enfermidades dexenerativas. En xeral e ata fai pouco, a industria alimentaria non tivo en conta os taninos porque, en grandes cantidades, inhiben a absorción de ferro e fan que as proteínas e aminoácidos que consumimos non poidan ser absorbidas no noso intestino. Pero, na sua xusta medida, poden ter potenciais beneficios para a saude como axudar a controla-lo nivel de insulina, entre outros. A este respecto, comprobouse que engadindo un 5% de cáscara á composición da pasta de cacahuete, a capacidade antioxidante aumenta dun 52% a un 63%. Ademais, isto fai que o alimento sexa menos perecedeiro sen necesidade de engadir outros conservantes.

A parte de ter grande cantidade de proteína, o que fai interesante á pel do cacahuete é o seu elevado contido en ácidos graxos tales coma o palmítico, oleico e esteárico, entre outros. Algún deles coma o linoleico (Omega 6) e o araquidónico, coñécense como ácidos graxos esenciais porque son necesarios para o noso metabolismo pero somos incapaces de sintetizalos por nós mesmos polo que precisamos inxerilos na dieta.