Queixo Emmental Holandés

Queixo en orixe suizo, semellante ao queixo gruyere. A denominación de emmental trátase dunha denominación xenérica, que designa a este tipo de queixo con independencia do seu lugar de produción.

\r\n

Pode presentarse en forma cilíndrica, cun peso duns 50 kilos. A súa codia é dura, de aspecto seco e cor amarela de dourada a parda. Tamén os hai de forma prismática cun peso duns 30 kg. sen codia.

\r\n

Polo que se refire a pasta, é de cor marfil a amarelo pálido, de textura branda e pódese cortar doadamente. Caracterízase polos seus curiosos ollos redondos formados polas burbullas do dióxido de carbono produto da fermentación, e que quedan atrapadas durante a súa fabricación. Preséntase en número variable e distribuidos regularmente, con tamaños entre 1 e 3 centímetros.

\r\n

O seu sabor e aroma é suave, parecido ao da noz. A maduración require un mínimo de sesenta días a partir da súa fabricación. Normalmente o queixo emmental deberá conservalas súas características a unha temperatura de 15 ºC durante un mes polo menos, a partir do momento en que está listo para o seu consumo.