Fabas Brancas de Lourenzá

A faba amparada pola Indicación Xeográfica Protexida "Faba de Lourenzá" é unha xudía seca producida no val lucense de Lourenzá.
Presenta unhas características cualitativas que a diferencian doutras fabas, e que a fan moi demandada polos consumidores: a súa calidade culinaria excepcional, motivada pola súa escasa proporción de pel (entre 8-10%), a súa elevada capacidade de absorción de auga, superior ao 100% e o seu comportamento en cocción, conseguíndose ao final do proceso grans enteiros e completos, nos que destaca a pastosidade da súa pulpa, exenta de grumos e escasamente diferenciada da pel.